وهذي سبعة وعشرين وعامٍ يتبع الأعوام
.
كثير اللي تمنوا في مثل هاليوم أكون بخير
.
وياما غمضّوا عيني وقالولي تمني دام
.
من الممكن في هاللحظة يصير اللي تبين يصير
.
كثير اللي تمنيته .. وأهمه فارس الأحــــلام
.
تمنيت أن له قلبٍ مثل قلبي .. كبير كبيـــــر
.
يشاركني ابتساماتي .. مع افراحي مع الآلام
.
يحبني .. يحترم رايي .. وله منطق وله تفكير
.
وراحت بعدها الأيام وجت من بعدها أيـــام
.
وكل اللي تمنيته تحقق دون أي تفســيــر
.
يا أطيب قلب في العالم يا حب ومصدر الالهام
.
أنا عيّا يجي شعري .. في غيرك .. ما سخى تعبير
.
حبيبي ليش تتعذر ؟؟ ترى والله ما تــنــــلام
.
هديتي يا غلاي انت .. لأنك في حياتي غـيـر
.
إذا كل ما تمنيته .. حقيقة .. ماهي بأوهام
.
وإذا اللي كاتبه ربي يفوق أحلامي ذيك كثيـــــر
.
وهم تدعي أكون بخير ؟؟ وانت الخير في كل عام
.
من اللي عندها مثلك .. يا قلبي .. وما تكون بخير ؟؟