السبت، 19 ديسمبر 2009

وأرد أغفي

نسجت من الوهم قصة
وصرت المغرم المجنون
.
.
وأثر
كل الغرام اللي في بالي
.
.
.
بس في بالي !
.
.
.

الجمعة، 30 أكتوبر 2009

بعض الأمل

ذبحني الشوق يا عيني أبي أرجع أبي أرتاح
.
صبرت وما بقى عندي مجال إني بعد أصبر
.
.
تعبت وغربتي طالت وهمي عيّا لا ينزاح
.
على هالحال أنا كل يوم ولا شي راضي يتغير
.
.
وحيدة بس يسليني عذابي والعذاب رماح
.
كثيرة الناس من حولي ولكن صعبة تتأثر
.
.
ولا فيهم أحد حاول يبدل حزني لـ أفراح
.
ولا حاول يحس فيني ويشعر مثل ما أشعر
.
.
بحاول أنسى كل الهم وبأتناسى بعد الجراح
.
بصبر نفسي عالغربة كثر ما أقدر أتصبر
.
.
إذا ثلث الطموح عناد .. وثلثينه صبر وإلحاح
.
أبجبر خاطر آمالي .. وأحاول أكثر وأكثر
.
.
وإذا بعض الألم باقي .. ترى بعض الأمل ماراح
.
وكل ما قلت ما أقدر بعاندني .. وأقول أقدر
.
.
.
.
.
أشوفكم على خير

الخميس، 29 يناير 2009

يا زمان إرجع

تعال ويا زمان ارجع تعبنا بوقتنا الحاضر

تغير كل شي فينا... وصرنا يا زمان أغراب

غدينا في الدروب احنا وتهنا والبخت عاثر

تغيرنا عن الأول ... ولا ندري وش الأسباب

غريبة صارت الطيبة تعيب العاشق الشاعر

في وقتٍ ما يعرف الحب ولا ظل بالزمان أحباب

وصار الحب فـ ابن آدم يمثّل غلطة الشاطر

وينزّل حيل من قدره .. وصار اللي يحب ينعاب

غريبة بهالزمن الأصحاب تزل وتخطي وتكابر

ويشيل الواحد بقلبه على الثاني بدون عتاب

في وقتٍ صار به الاخلاص نادر.. والوفا نادر

تلاشت من معاجمنا معاني كلمة (الأصحاب)

غريبة ان الفرص لا جت .. تجي مكسورة الخاطر

ولا عادت لها قيمة ولو جت بعد طــــول غياب

غريبة ان الوطن يصبح مجرد مرسى لـ مسافـــر

غريبة ان الأهل صاروا بعد جمعة فرق وأحزاب

مشاكل مالها أول ..... ويمكن ما لها آخــــــــر

تغيرنا عن الأول .. بأسباب .. وبدون أسباب

.
.
.
.
أشوفكم على خير

السبت، 10 يناير 2009

آه 2

أرجـوك لا تــتعـب ضـمـيـرك وتـحـتـار



وإن كان عندك كلمة تخجلك بَـدها


حط كل عيوبك فيني وان صار ما صار

قـول بـفـعـايـلـهـا جـبـرتـنـي أهدها

الجمعة، 21 نوفمبر 2008

ألف لاباس

هكذا خرجت
دون استئذان


سميت باسم الله عليك انت يا الحب
.
طحت وكأن طاحت معك كل هالناس
.
.
.
لا تْوِن تكفه منين ألقى انا قـلـب؟
.
يتحمل يشوفك توِن دون احساس
.
.
.
آخر طموحي كان " كلية الطـب "
.
وخليتني اليوم آتمنى لو " كلاس "
.
.
.
طيّب وماجور .. وأجر بأْجر يا رب
.
ما ْتشوف شر يا غالي وألف لاباس
.
.
.
.................

الأربعاء، 22 أكتوبر 2008

آه 1

همسة

.
.
.
.
ما ودّرتنا يا فهد غير الأخلاق .. جينا نحكّم عقلنا .. وانظلمنا
.
.
.
.

الخميس، 2 أكتوبر 2008

هديتي إنت

وهذي سبعة وعشرين وعامٍ يتبع الأعوام
.
كثير اللي تمنوا في مثل هاليوم أكون بخير
.
وياما غمضّوا عيني وقالولي تمني دام
.
من الممكن في هاللحظة يصير اللي تبين يصير
.
كثير اللي تمنيته .. وأهمه فارس الأحــــلام
.
تمنيت أن له قلبٍ مثل قلبي .. كبير كبيـــــر
.
يشاركني ابتساماتي .. مع افراحي مع الآلام
.
يحبني .. يحترم رايي .. وله منطق وله تفكير
.
وراحت بعدها الأيام وجت من بعدها أيـــام
.
وكل اللي تمنيته تحقق دون أي تفســيــر
.
يا أطيب قلب في العالم يا حب ومصدر الالهام
.
أنا عيّا يجي شعري .. في غيرك .. ما سخى تعبير
.
حبيبي ليش تتعذر ؟؟ ترى والله ما تــنــــلام
.
هديتي يا غلاي انت .. لأنك في حياتي غـيـر
.
إذا كل ما تمنيته .. حقيقة .. ماهي بأوهام
.
وإذا اللي كاتبه ربي يفوق أحلامي ذيك كثيـــــر
.
وهم تدعي أكون بخير ؟؟ وانت الخير في كل عام
.
من اللي عندها مثلك .. يا قلبي .. وما تكون بخير ؟؟