قول يا قلبي علامك .. ليش مو راضي تِعـلـّـِم؟
ليمتى تغبّي وتسكت .. اعترف .. انطق .. تكلّم
* * *
والله ما أقدر أشوفك
حاير بهمّك وخوفك
قول .. وفهّمني ظروفك
وأوعدك راح أتفهـّم
تكفة يا قلبي تكلـّم
* * *
قول واشرح لي همومك
واللي طيّر عنك نومك
وأوعدك .. ماراح ألومــك
لنّي منك آتعلـّم
تكفة يا قلبي تكلـّم !
* * *
الحجي بيني وبينك
خلني .. هالمرة .. أعينك
الأصابع في ادينك
ما اتــّـساوى .. لا تعمّم
تكفة يا قلبي تكلم
* * *
أشوفكم على خير
هناك 18 تعليقًا:
راح يتكلم .. بس نطري عليه شوي ؛)
حيا الله المفكر
يا هلا وغلا
تهقى جذيه ؟؟
ننطر .. ونشوف :)
لا خلا ولا عدم ياخوي
شكرا لمرورك
شكله هالقلب شايل وايد هموم
فتى الجبل
يا هلا وغلا
ايـــــــــــــــه
خلها على الله بس :)
الف شكر لمرورك ياخوي
ان شاء الله يتكلم يا بنيتي بس انتي طولي بالج عسى الله يحفظج يا رب
ويحفظج ان شاء الله
ان شاء الله انا لازلت ناطره يتكلم :)
شكرا على مرورج نورتي البوست
الحجي بيني وبينك ،، خلني هالمره اعينك
:(
هذا البلا والله ،،وين الي ينطق
،،،
صح لسانج
سليمان
يا هلا وغلا عاش من شافك ياخوي جم مره ادش مدونتك الاقيك ليلحين باجازه واقول لا تعلقين لا تنقصين عليه لوووووووول عليك بالعافية والحمدلله على سلامتك
صح بدنك .. وراح ينطق ان شاء الله :)
you have such a style that just draws me in
i cant get enough of ur writings
all the best
arid wagol ba7ar i7sas :D
يعطيج ألف عافيه على الكلام الحلو ..
وصح لسانج
والصبر زين ^_~
وتقبلي مروري ^_~
ذه فويس وذ ان
ياهلا وغلا .. بصراحة انربط لساني ما ادري شارد عليج فيه
يا بختها الأبيات اذا كانت عجبتج .. جد يا بختها فيج
ألف شكر لمرورج ومتابعتج حبيبتي نورتيني
بودي ياهلا وغلا بمصورنا
صح بدنك ياخوي والف شكر لمرورك الكريم واطراءك
سعدت بهذا المرور
انا طيع بين ايديج
عمري ما غبّي عليج
لكن من خوفي عليج
انا ساكت ما تكلم
لو آنه اليوم ابوح
باللي فيني وين اروح
لي صابتج جروح
لاجل هذا ما تكلم
اللي شايله ما هو هم
ولا هو غم ولا هو دم
اهو فيض من الالم
تكفه لا تقولين تكلم
ديرتي ... لج اتحمل
لي نرجع مثل الاول
مهما هذا الليل طول
انا ساكت ما تكلم
بو لطيف
قاعد تفاجئني بكل مره
وياحلوها من مفاجئة والله .. صح لسانك ياخوي ما تدري شكثر استانست على ردودك وشفافية كلامك
تحية لهكذا قلم :)
اختي الكريمة
جزاك الله خير
والتحية لك وليس لقلمي
فكلماتك تستدعي مداده
دمتي برعاية الرحمن
على خير إن شاء الله ..
أعجبني السجع في الكلمات :)
كويت سن
حياك الله اخوي
وسعيده جدا ان القافية عجبتك
حياك الله
إرسال تعليق